Фото: Принтскрин
Случајот со малтретирано девојче во Ѓорче Петров ја згрози Македонија, а скопјанката Амела Мемиш Апостоловска откри низ што поминале нејзините деца, односно дека биле жртви на сериозно насилство.
„Два дена читам за врсничко насилство. Два дена гледам како општеството се згрозува, а јас гледам низ призмата на професијата и низ призмата на мајка.Траумата не се лечи со текот на времето. Човек само учи како да живее со дупката во себе. Колку пати апелирав? Колку пати викав дека воспитувањето почнува и завршува дома?
Мојата ќерка денес одбива јавна изложеност. Зошто? Затоа што во основно училиште беше жртва на брутално врсничко насилство. Беше претепана додека јас бев надвор од државата молчела за да ме заштити мене, познавајќи го мојот карактер. Беше исмевана за нејзината нога. Денес, во средно училиште, нејзиниот свет е сведен на две-три личности и секојдневна воздишка: „Мамо, едвај чекам да заврши годината“. Минатата година, мојот син Леон беше удрен со бокс во грбот во училишниот ходник , беше исмеван дали е машко или женско од деветто одделенец .Во парк му беше фрлена петарда и исмеван за неговата реакција. Пред мои очи, пред зграда, три деца му се нафрлија да му бараат пари. Му велеа дека е „ретардиран “. Леон, кој на секој свој настап испраќа моќни пораки за инклузија, беше мета на оние кои дома не научиле што е емпатија“, објави Амела.
