Полицијата во Свети Николе поднесе кривична пријава против 31-годишниот Р.С. од Скопје под сомнение за извршена измама.
Според информациите од Министерството за внатрешни работи, осомничениот се претставувал како вработен во банка и исконтактирал друго лице, доведувајќи го во заблуда. Со изговор дека е потребно ажурирање на банкарските податоци, го убедил оштетениот да му го сподели кодот што го добил на својот мобилен телефон. Оваа постапка резултирала со финансиска штета од 683.000 денари за оштетеното лице.
Случајот е под истрага, а МВР апелира до граѓаните да бидат внимателни и да не споделуваат чувствителни податоци со непознати лица.
