Синоќа на улиците во Белград се случил невообичаен и вознемирувачки инцидент кога маж облечен во костим на ракун почнал да ги брка случајните минувачи.
Според информациите што пристигнале до службите за итна помош, полицијата интервенирала по повеќе пријави од граѓани кои биле сведоци на чудното однесување.
Дежурен лекар од итната служба изјавил дека околу 22:15 часот добиле пријава за „нетипична ситуација“ на улиците во главниот град, без првично да се знае дали има повредени лица.
„Од полицијата добивме дојава дека маж во костим на ракун трча по луѓе низ белградските улици. Во тој момент не беше јасно колку е сериозна ситуацијата“, навела д-р Ивана Стефановиќ во гостување во утринска програма.
За среќа, во инцидентот никој од минувачите не бил повреден. Мажот подоцна бил пренесен во психијатриската установа „Лаза Лазаревиќ“, каде ќе му биде укажана соодветна помош.
Лекарите наведуваат дека неговата состојба се следи и се очекува дополнителна проценка.
Веста ја пренесува Informer.rs
