Турските медиуми објавија тажна вест за смртта на Онур Ѓунај, син на градоначалникот на општина Ѓузелбахче, дел од Измир, кој починал од срцев удар за време на престој во Скопје.
Веста за ненадејната загуба ја потврди неговиот татко, градоначалникот Мустафа Ѓунај, преку објава на социјалните мрежи, во која изрази длабока тага и болка поради трагедијата.
„Со огромна болка ја споделувам веста дека го загубивме нашиот син Онур Ѓунај поради срцев удар. Информациите за погребната церемонија ќе ги споделиме дополнително. Ве молам за разбирање, бидејќи во овој момент не можам да одговорам на вашите повици. Ви благодарам за поддршката,“ напиша Мустафа Ѓунај.
