Поранешниот помошник-државен секретар на САД за Европа, Томас Кантримен, ја поздрави одлуката за назначување на Радмила Шекеринска за заменичка на генералниот секретар на НАТО, Марк Руте.
Кантримен ја истакна нејзината извонредна компетентност и интелигенција, нагласувајќи дека поранешната вицепремиерка и министерка за одбрана е одличен избор за оваа одговорна позиција.
„Радмила Шекеринска е пример за висококвалификуван лидер кој успешно ги комбинира дипломатските вештини со познавањето на секторот за одбрана“, изјави Кантримен.
Тој додаде дека клучен критериум за ваквите назначувања е квалитетот и компетентноста на личноста, а не нејзината националност.
