Фото: Принтскрин
Горивата во Македонија поевтинуваат во просек за 2,73 проценти, одлучи Регулаторната комисија за енергетика со најновата одлука донесена по пресекот на цените од 6 април 2026 година.
Според одлуката, бензините ЕУРОСУПЕР БС-95 и ЕУРОСУПЕР БС-98 се намалуваат за 1,5 денари по литар. Со тоа, новата цена на ЕУРОСУПЕР БС-95 изнесува 82 денари за литар, додека ЕУРОСУПЕР БС-98 ќе се продава по 84 денари за литар.
Поголемо намалување има кај дизелот. Малопродажната цена на ЕУРОДИЗЕЛ (Д-Е V) се намалува за 2,5 денари по литар, па од сега ќе изнесува 95,5 денари за литар.
Од Регулаторната комисија појаснуваат дека новите цени се резултат на движењата на светските пазари и важат од денот на нивното донесување.
