Еден ден пред трагедијата: Стојанче ја давел Ивана во автомобил додека не се онесвести

Сведокот Мартин Саздов на рочиштето за судењето на Стојанче Јовановски за смртта на Ивана и нејзината ќерка откри нови детали.

Саздов открива дека комуницирал со Ивана еден ден пред да се случи трагедијата.

„Еден ден пред 2 март, Ивана ми пиша дека не може повеќе да издржи. Јас вечерта сум заспал и не ѝ одговорив на пораката. Утрото отидов кај неа на работа, ја замолив да оди кај мајка ѝ. Таа велеше дека не може да го остави станот затоа што ќе остане на улица. Си заминав по разговорот, но потоа пристигнал Стојанче. Кога дојдов, тој почна да ја тепа. Му реков да се качи во возилото и да си одиме, на Ивана ѝ кажав да оди на работа. Го прашав Стојанче каде да возам, а тој ми кажа да го носам во суд“, вели тој.

Саздов на судењето кажа дека Стојанче ја удирал Ивана со боксови и ја давел додека таа не се онесвестила.