Фото: Принтскрин
Министерство за одбрана на Русија објави дека Украина ја нападнала државата со американските ракети ATACMS, информираат руските државни медиуми.
Според известувањето на РИА Новости, украинските сили во текот на синоќешните часови лансирале шест ракети ATACMS кон цел во регионот Брјанск.
Министерството тврди дека системите за противвоздушна одбрана успешно пресретнале пет од ракетите, додека шестата била оштетена.
Остатоците од оваа ракета паднале на територијата на воен објект, предизвикувајќи пожар. Засега нема информации за евентуални жртви или сериозни материјални штети.
