Рускиот претседател Владимир Путин официјално го покани српскиот претседател Александар Вучиќ да ја посети Москва, известува српскиот национален сервис РТС.
Повод за оваа покана е одбележувањето на 80-годишнината од победата во Втората светска војна, која ќе кулминира со свечености на 9 мај 2025 година.
„Ве повикувам да земете учество на свеченостите посветени на 80-годишнината од победата во Големата патриотска војна, кои ќе се одржат во Москва на 9 мај 2025 година“, стои во поканата што рускиот претседател ја испратил до неговиот српски колега.
Оваа покана е знак на продолжување на блиските односи меѓу Русија и Србија, кои често се засноваат на историските и културните врски, како и заедничкото одбележување на значајни историски настани.
