Фото: Зденка Кошпиќ Дедиќ
Љубовта на човекот и неговото куче не познава граница, а до каде може да стигне, најдобро покажува приказната од Загреб, која на социјалните мрежи ја сподели Зденка Кошпиќ Дедиќ.
„Постојат луѓе кои ја враќаат вербата во човештвото и го прават светот поубаво место за живеење со своите постапки. Го гледам соседот како два пати дневно го вози своето болно и старо куче. Ти благодарам добар човеку“, напиша Зденка.
Станува збор за човек кој веќе еден месец секојдневно го вози два пати своето болно куче до ливада, а според зборовите на Зденка, ветеринарите веќе барале да го еутанизираат кучето Боби, но сопственикот не се согласил.
