ОВР Кичево поднесе кривична пријава против С.Т. (49) од Кичево поради основано сомнение за извршено кривично дело – проневера во службата.
Според наводите, во периодот од 8 јули 2021 година до 7 август 2024 година, пријавениот, кој ја извршувал функцијата директор на ЈЗУ Општа болница – Кичево, наводно со намера да оствари противправна имотна корист, противзаконски го присвоил ехо-апаратот M9 Mindray. Овој апарат, во вредност од 2.134.482 денари, бил доверен на установата како донација од Министерството за труд и социјална политика.
Наместо да биде ставен во употреба за потребите на болницата, особено во услови на ковид-пандемијата, апаратот останал неупотребен, што дополнително ја отежнало здравствената состојба во тој период.
