Овие денови повторно е актуелна приказната за едно момче кое било немо, но проговорило пред иконата на Богородица. Тоа е настан кој се случил пред седум години.
„Мајко Богородице, дарувај ми здравје!“ – беа првите зборови на 18-годишно немо момче од Струмица, изговорени пред иконата на Богородица во манастирот Дохиари на Света Гора.
Според сведочењата објавени на страницата „Светогорско сеќавање“, ова чудо предизвика внимание и во македонските и грчките медиуми, кои го пренесуваат сведочењето на монахот кој бил присутен во манастирот кога се случил настанот, во почетокот на овој месец.
Монахот раскажа дека момчето од Струмица пристигнало на Света Гора пред околу десет дена, со цел да се поклони и да се помоли пред чудотворната икона на Богородица, позната како Горгоепикос – Дева Марија која брзо ги слуша и ги разрешува проблемите на верниците кои ѝ се обраќаат со молитва.
„Кога момчето се нашло пред иконата, и покрај тоа што никогаш во животот не изговорило ниту еден збор, одеднаш на својот мајчин јазик извикало: ‘Мајко Богородице, дарувај ми здравје!’“, се наведува во текстот на специјализиран портал за црковни вести.
Овој настан го зајакна верувањето во моќта на молитвата пред чудотворната икона на Богородица и поттикна голем број верници да се обратат кон неа со надеж и вера.
