Поранешната директорка на „Фершпед“, Кираца Трајковска, се појави како сведок во судењето за убиството на малолетната Вања Ѓорчевска и Панче Жежовски. Трајковска е мајка на Гоце Трајковски, кој бил во кумски врски со семејството Ѓорчевски и активно учествувал во потрагата по исчезнатото девојче.
Во своето сведочење, таа детално опиша како се одвивала потрагата, кој бил во комуникација со кого и кои мерки биле преземени за да се дојде до информации за исчезнувањето на Вања. Посебен акцент стави на добивањето на снимките од надзорните камери, кои помогнале во истрагата.
Во текот на сведочењето, Трајковска се осврна и на обвинувањата против Љупчо Палевски-Палчо, кој беше обвинет за убиството на Вања.
„Не верувам дека Палчо ја убил Вања,“ изјави Трајковска, потенцирајќи дека нејзината братучетка била во брак со обвинетиот, што ја тера да се сомнева во веродостојноста на обвинувањата против него.
