Александар Ѓорчевски, таткото на трагично убиената Вања Ѓорчевска, во младоста се соочувал со проблеми поврзани со зависности, но успеал да ги надмине пред да стапи во брак. Ова го откри денеска неговиот татко, Зоран Ѓорчевски, додека сведочеше во судењето за случајот со киднапирањето и убиството на 14-годишната Вања Ѓорчевска.
Зоран Ѓорчевски, одговарајќи на прашањето на обвинителката, појасни како дознал за исчезнувањето на својата внука. Тој објасни дека информацијата ја добил сосема случајно, при телефонски разговор со неговата поранешна сопруга, мајката на Александар Ѓорчевски.
„Немаше никакви сериозни проблеми. Се соочи со некои вообичаени тешкотии за млад човек, но се излекува. Тоа беше пред да се ожени. Не се сеќавам точно во кои години се случи тоа,“ додаде Зоран во својот исказ, опишувајќи го процесот на рехабилитација на својот син.
