ЕУ ги постави условите за мир: Еве што треба да направи Русија

Европската унија (ЕУ) побарала Русија во рамки на било каков мировен договор да ги повлече своите трупи од Украина, но и од Белорусија, Грузија, Ерменија и автономната покраина во составот на Молдавија, т.е. независна Приднестровие.

Предлогот е од интерен документ за дискусија кој државите членки го проследиле до високата претставничка на ЕУ за надворешна политика, Каја Калас, објави „Киев Пост“.

Увид во документот, за кој министрите за надворешни работи би можеле повторно да дискутираат на 23 февруари, го имале и други медиуми, а во него се посочуваат условите кои мора да ги прифати Русија.

Во документот се повикува на забрана на руска воена присутност во наведените држави, како и отстранување на целокупното нуклеарно оружје од Белорусија.

Русија ќе морала да прифати и ограничување на бројот на војници или демилитаризација на одредени подрачја, а била отфрлена опцијата да се признаат окупираните украински територии.

Освен повлекување на трупите, документот наведува дека треба да се исплати и отштета, како и да се укине амнестијата за воените злосторства.

Подетално прочитајте на „Киев Пост“.