Фото: Македонска Џиу - Џица Федерација
Македонската џиу-џицу натпреварувачка Катерина Ацевска ја започна натпреварувачката година со извонреден успех, освојувајќи златен медал на реномираниот гран-при турнир „Џенова опен“, кој се одржа во Италија.
Ацевска имаше слободен старт во првата рунда, а веќе во следниот меч покажа зошто важи за една од најдобрите во својата категорија.
Таа убедливо ја совлада домашната натпреварувачка Федерика Маза со ипон и максимални 50-0. Во борбата за златото, македонската натпреварувачка беше уште еднаш сигурна, славејќи против Полјачката Каја Орзечовска со резултат 16-7, со што заслужено го освои првото место.
