Фото: LOCAL 12, WKRC-TV
Тешко убиство ја потресе американската сојузна држава Алабама, откако 19-годишно момче е осомничено дека со нож го усмртило својот татко пред семејната куќа.
Според информациите од локалните медиуми, телото на 67-годишниот маж било пронајдено во дворот од куќата во градот Мобил. Полицијата била повикана околу 14 часот, откако мајката на жртвата, која штотуку се вратила од работа, го затекнала својот син без знаци на живот и веднаш повикала 911.
Истражителите утврдиле дека жртвата прво била нападната со нож, по што успеала да ја контактира својата мајка и да ѝ каже да се врати дома. Кратко потоа, тој подлегнал на повредите.
За убиството е осомничен 19-годишниот Семјуел Принс, син на жртвата. Полицијата наведува дека нападот бил извршен во предниот двор на куќата и дека постојат индиции дека делото било однапред испланирано. Засега, мотивот за злосторството не е познат.
Соседи изјавиле дека сцената била шокантна. Еден од нив раскажал дека неговиот сопруг најпрво помислил дека на тревата има расфрлана облека, но брзо сфатил дека станува збор за човек, во моментот кога полицијата веќе пристигнувала на местото.
Друг сосед открил дека таткото и синот порано имале блиска врска, но со текот на годините станале сè подистанцирани. Според него, младиот Принс поголемиот дел од времето го поминувал затворен во домот.
Случајот и понатаму се истражува, а осомничениот е приведен.
Фото: LOCAL 12, WKRC-TV
