Денес започна исплатата на повратот за дел од граѓаните кои користат апликацијата „МојДДВ“ за скенирање фискални сметки. Според официјалните информации, граѓаните можат да остварат максимален поврат од 2.100 денари за третото тромесечие од годината, кое го опфаќа периодот од јули до септември.
Како што се случуваше и во претходните циклуси, се очекува дека сите корисници кои имаат право на поврат ќе ги добијат средствата на своите банкарски сметки најдоцна до крајот на оваа недела.
Оваа иницијатива е дел од напорите за стимулирање на фискалната дисциплина и намалување на сивата економија.
