Пешак прегазен од 16-годишник во Скопје

Пешак бил удрен од возило управувано од 16-годишник од Скопје на ул. Македонско-косовска бригада.

На 14.01.2026 околу 22:30 часот во СВР Скопје е пријавено дека на ул.„Македонско- косовска бригада“ во Скопје, патничко возило „фолксваген голф“ со скопски регистарски ознаки, управувано од 16-годишник од Скопје, удрило во пешакот М.И.(57) од Скопје. Во несреќата со тешки телесни повреди се здобил пешакот, констатирани во  Комплексот клиники „Мајка Тереза“, соопшти МВР.

Извршен е увид од увидна екипа од СВР Скопје. По целосно дококументирање на случајот, ќе биде поднесена соодветна пријава.