Фото: Принтскрин
Македонската тенисерка Лина Ѓорческа успешно го започна настапот во квалификациите на Австралијан опен, совладувајќи ја Австријката Синја Краус со 2-0 во сетови (7-5, 6-0).
Иако четвртата носителка на турнирот подобро влезе во мечот и имаше предност од 3-2 во првиот сет, Ѓорческа брзо ја презеде контролата, направи серија добри поени и со пресврт го освои сетот со 7-5.
Во продолжението, македонската тенисерка прикажа доминантна и сигурна игра, не оставајќи простор за изненадување. Таа целосно ја надигра противничката во вториот сет, кој го доби без загубен гем – 6-0, за убедителен пласман во следната рунда од квалификациите.
