Македонската ракометна репрезентација не успеа да одигра на посакуваното ниво и претрпе пораз од 29-27 на гостувањето кај Литванија.
Литванците го отворија натпреварот подобро, и освен кратките водства на Македонија со 0-1 и 1-2, останатиот дел од првото полувреме беше во нивна контрола. По брзиот пресврт, Литванија направи неколку мини-серии, стекнувајќи предност од четири гола (9-5).
Во завршните десет минути од натпреварот резултатот беше изедначен, но домаќините во 54. минута повторно дојдоа до два гола предност. Тие решавачки моменти го одредија победникот, бидејќи Македонија не успеа да направи пресврт до крајот на натпреварот и го забележа првиот пораз во квалификациите.
Херој за Литванија беше голманот Рашимас, кој собра 14 одбрани, додека за Македонија, десетте интервенции на Марко Кизиќ не беа доволни.
