Македонската каратистка Душица Бреслиева освои златен медал на Балканското првенство во карате за кадети, јуниори и У-21 во Сараево, Босна и Херцеговина.
Талентираната каратистка од Штип, Бреслиева, триумфираше во финалето (-54 кг) во кадетска конкуренција, победувајќи ја Миа-Милица Вујиќ од Босна и Херцеговина со резултат од 4-0.
Јован Врклевски (-57 кг, кадети) се бореше во финалето против Дарис Џафо од Босна и Херцеговина и по нерешен резултат 1-1 го освои сребрениот медал поради тоа што Џафо го постигна првиот поен.
Во категоријата У-21, Недим Шаќири (-60 кг) го освои бронзениот медал, обезбедувајќи го преку репасажот каде што оствари три важни победи за да стигне до подиумот.
