Фото: Принтскрин
Синдикатите долго време бараат зголемување на минималната плата, но засега без ефект затоа што втората страна стои на идејата да се направи усогласување на платата во март, каде што граѓаните би добиле мизерно зголемување, иако цените на многу производи и услуги се отидени во „плафон“.
Претседателот на ССМ, Слободан Трендафилов во емисијата на „ТВ21“ најави протести доколку не се зголеми минималецот според барањата.
„Чекаме до 31.12 да се договорат, како што ни викаа 18 месеци. Владата и работодавците треба да се договорат кога гледаат дека овие на работниците им прават штета. Ако не се договорат, на почетокот на следната година може да очекувате протести и штрајкови“, кажа Трендафилов.
ССМ и останатите синдикати претходно бараа минимална плата од 500 евра, но сега сумата која се споменува е 600-700 евра.
