Утрово, воздухот во главниот град, Скопје, достигна опасно ниво на загаденост, претставувајќи сериозна закана по здравјето на граѓаните.
Според глобалната ранг-листа за квалитет на воздухот, Скопје се најде на неславното седмо место меѓу градовите со најзагаден воздух во светот.
Индексот на загаденост во градот изнесуваше 151, што се смета за нездраво ниво на аерозагадување. Ова значи дека не само лицата со хронични респираторни заболувања, туку и здравите луѓе може да почувствуваат негативни ефекти од загадувањето.
Ваквата состојба дополнително го зголемува притисокот за итно преземање мерки за подобрување на квалитетот на воздухот и заштита на здравјето на населението.
