Поранешната специјална јавна обвинителка Катица Јанева ја напушти казнено-поправната установа „Идризово“ откако ѝ беше одобрен условен отпуст. Таа ја издржуваше затворската казна од 2021 година, по правосилната пресуда за случајот „Рекет“.
Одлуката за условно ослободување е донесена согласно законските процедури, а Јанева веќе не се наоѓа во установата каде помина неколку години на издржување казна.
Апелациониот суд во Скопје во јули 2021 година ја потврди пресудата со која Јанева беше осудена на седум години затвор. Во истиот предмет беше осуден и Бојан Јовановски.
