Фото: Принтскрин
Градоначалникот на Град Скопје, Орце Ѓорѓиевски објави дека на плоштадот „Македонија“ ќе биде означен почеток на празничните прослави.
„Почитувани скопјани, драги родители, најдраги дечиња,
Нашиот град е најубав тогаш кога свети од радост, насмевки и празнична магија.
А сите ние – и младите, и возрасните ја заслужуваме таа топлина што ја носат Новогодишните и Божиќните празници.
Затоа, со огромна радост ве поканувам заедно да го означиме почетокот на едно ново празнично поглавје исполнето со забава, музика, многу подароци и вашите омилени херои кои ќе ги израдуваат најмалите.
На 15 декември, во 18 часот, на плоштадот „Македонија“, заедно со вас ќе го осветлиме градот и после неколку години ќе ја почувствуваме првата искра на празничниот дух.
Веќе од наредниот ден, па сѐ до самата Нова година, ќе следуваат секојдневни настани и забави за сите генерации.
А дочекот, ви ветуваме, ќе биде спектакуларен и незаборавен“, објави Ѓорѓиевски.
