Казнувањето за сообраќајни прекршоци, регистрирани од новопоставените камери на улиците, ќе започне од следната година.
Претходно имаше најави дека камерите ќе функционираат на крајот на 2024 година, но најверојатно тоа ќе се случи на почетокот на следната година.
Министерот за внатрешни работи, Панче Тошковски, денеска информира дека, според најоптимистичките проценки, тие ќе бидат пуштени во употреба во јануари, како дел од проектот „Безбеден град“.
„Сè уште немаме комплетна покриеност со технички уреди, односно камери, на територијата на градот Скопје, како што е предвидено во проектната документација. Колку побрзо го имплементираме овој проект, толку подобро, имајќи предвид дека годишно во Македонија има стотици жртви на сообраќајни незгоди, што е застрашувачка статистика. Реалноста е таква каква што е. Потребни се законски измени и утврдување на точни чекори за да се создаде систем што ќе го санкционира секое прекршување на сообраќајните правила, притоа елиминирајќи го човечкиот фактор од одлучувањето за казнување. Очекувам дека до крајот на 2025 година ќе го финализираме овој проект. Би бил среќен ако камерите бидат пуштени во јануари, но дури и ако се реализира до декември, ќе бидам задоволен“, изјави министерот Тошковски
