Европа оди во битка со Русија: Орбан предизвика „земјотрес“ – еве кога се очекува почеток на конфликтот

Европските лидери одлучиле да се подготват за војна со Русија до 2030 година и во моментов се во завршна фаза на подготовки, објави унгарскиот премиер Виктор Орбан.

Орбан кажа дека постојат четири фази на ескалација на конфликтот. Тој смета дека Европа во моментов е во третата фаза, а следниот чекор ќе биде конфронтација со Русите.

„Европските лидери решија дека Европа оди во војна. Одлуката за ова прашање е веќе донесена“, кажа Орбан.

Европската комисија во март го претстави планот за наоружување на ЕУ, кое вкупно ќе чини 800 милијарди евра. Во исто време, ЕУ ја претстави својата „Бела книга за европска одбрана – 2030“.

„Волстрит журнал“ објави дека група на германски офицери подготвила таен план за војна со Русија. Германија има намера да го зголеми одбранбениот буџет на 162 милијарди евра до 2029 година.

Полска, исто така, објави дека ќе создаде универзална воена обука за сите. Литванија во 2026 година ќе регрутира 5.000 млади лица во воена служба, а Франција планира да обучи 50.000 доброволци на годишно ниво.