Фото: Принтскрин
Началникот на СВР Скопје, Сашо Топаловски во гостување во „Претрес“ кај новинарот Кристијан Ландов зборуваше за системот „Сејф Сити“.
Системот е во тест-фаза и во првите 24 часа регистрираше 110.000 прекршоци, по што граѓаните имаа голем број поплаки и забелешки, а за една од нив зборуваше Топаловски.
Тој кажа дека системот ќе прави разлика меѓу реални итни ситуации и прекршоци, односно нема да се казнуваат возачи кои имаат оправдана причина да возат со четири трепкачи.
„Ќе провериме ако некој вози со четири трепкачи и брзал да спаси живот – свој или на близок. Ако човек одел во болница, нема теорија да биде казнет. Ако некој има расипано возило и вози со четири трепкачи, сигурно нема да добие казна“, кажа Топаловски.
