Тошковски најави можно одложување на системот „Безбеден град“

Системот „Безбеден град“ е во тест-период, во кој за само 24 часа беа регистрирани 110.000 казни.

Министерот Панче Тошковски кажа дека во текот на оваа недела ќе влезат во финализација сите закони кои треба да се променат, но кажа дека е можен одложен почетокот на казнување.

„Целта ни е да ги затвориме заклучно со 01.01.2026 година, но на мислење сме дали да почнеме со имплементација од 01.01 или 01.02 поради тоа што не сакаме да наметнеме решение кое не е подготвено за имплементација“, кажа Тошковски.