Трамп освои две клучни држави и води на изборите во САД

Откако ја обезбеди победата во Северна Каролина, Трамп триумфираше и во Џорџија – две од клучните држави кои историски не се секогаш верни на една партија.

Според проекциите, Трамп досега освоил 246 електорски гласа, освојувајќи ги државите Мисури, Оклахома, Алабама, Флорида, Тенеси, Западна Вирџинија, Индијана, Кентаки, Јужна Каролина, Арканзас, Тексас, Вајоминг, Јужна Дакота, Северна Дакота, Мисисипи, Луизијана, Охајо, Канзас, Монтана, Јута, Ајова, Небраска, Ајдахо, Џорџија и Северна Каролина.

На другата страна, Харис, која досега освоила 182 електорски гласа, забележа победи во Масачусетс, Мериленд, Вашингтон ДЦ, Вермонт, Делавер, Роуд Ајленд, Илиноис, Њујорк, Колорадо, Калифорнија, Орегон, Вашингтон, Конектикат, Вирџинија и Хаваи.

Џорџија, каде што Џо Бајден првпат победи пред четири години, сега му припаѓа на Трамп.

Сè уште не се одлучени резултатите во Аризона, Невада, Пенсилванија, Минесота, Мичиген и Висконсин.