Поради интензивните врнежи од дожд што го зафатија западниот регион, преку бројот за итни повици 112 е пријавено свлечиште во селото Шипковица пренесува 4news.mk.
Според информации од терен, свлечиштето се наоѓа во населено подрачје каде што се загрозени најмалку четири куќи. Во реакција на ситуацијата, Кризниот штаб на Општина Тетово е активиран, а на лице место се присутни екипи на ЦУК, СВР Тетово и Градежниот инспекторат.
Граѓаните од засегнатите домаќинства добија насоки да го напуштат својот дом, поради ризик од појава на нови свлечишта.
Во меѓувреме, на територијата на Општина Штип се регистрирани одрони на патот Делчево – Истибања, каде што екипи на ЈП Македонија пат интервенираат и сообраќајот се одвива без застои.
Исто така, одрон на патот кон село Моштица во Општина Македонска Каменица е исчистен од екипи на ЈП Камена Река, па сообраќајот на тој правец се одвива нормално.
Веста и сликата ги споделува 4news.mk
