Министерот за градежништво, сообраќај и инфраструктура на Србија, Горан Весиќ, најави дека утре ќе поднесе официјална оставка поради трагичниот инцидент во Нови Сад, при кој загинаа 14 лица, а тројца беа тешко повредени кога се урна настрешницата на Железничката станица.
Иако Весиќ нагласи дека не ја прифаќа вината за несреќата, тој изјави дека ја поднесува оставката како чин на одговорност.
„Не можам да се чувствувам виновен за смртта на 14 лица, бидејќи ниту јас, ниту луѓето од мојот тим, не носиме никаква одговорност за оваа трагедија“, истакна Весиќ.
