Малопродажните цени на бензините ЕУРОСУПЕР БС-95 и ЕУРОСУПЕР БС-98 ќе се намалат за 1,50 денари по литар, согласно новата одлука на Регулаторната комисија за енергетика и водни услуги на Република Македонија, која се однесува на цените на нафтените деривати и горивата за транспорт, донесена на 28.10.2024 година.
Со оваа одлука, новата цена на ЕУРОСУПЕР БС-95 ќе биде 75,50 денари за литар, додека ЕУРОСУПЕР БС-98 ќе се продава по цена од 77,50 денари за литар.
Mалопродажната цена на ЕУРОДИЗЕЛ (Д-Е V) е намалена за 0,50 денари по литар, што значи дека новата цена на ова гориво ќе изнесува 68,50 денари по литар.
