На 88-годишна возраст почина Оливера Николова, авторката на култната книга „Зоки Поки“ и една од најистакнатите фигури во македонската литература за деца и возрасни.
Во текот на нејзината долга и плодна кариера, која траеше повеќе од шест децении, Николова напиша многу литературни дела. Сепак, ќе остане најпозната како творецот на ликот на „Зоки Поки“, кој стана омилена книга на генерации и е дел од задолжителната училишна литература.
Николова е родена на 11 март 1936 година во Скопје и дипломирала на Филозофскиот факултет при Универзитетот „Св. Кирил и Методиј“. Освен книжевните дела, таа остави длабок печат и во домашната кинематографија со телевизиски серии и радио-драми, меѓу кои се „Зоки Поки“, „Среќен пат, Зоки!“ и „Девојките на Марко“.
