Министерот Тошковски завршил во болница – му правеле операција

Министерот за внатрешни работи на Република Македонија, Панче Тошковски информира преку социјалните мрежи дека бил во Клиничкиот центар „Мајка Тереза“ каде му бил извршен оперативен зафатн.

„Денеска во Клиничкиот центар „Мајка Тереза“ во Скопје бев подложен на успешна хируршка интервенција и се чувствувам стабилно. Во моментов сум под надзор на лекарите, по што следува краток период на опоравување.

Ве уверувам дека Министерството за внатрешни работи продолжува непречено и ефикасно да функционира согласно утврдените процедури. Целиот тим професионално си ги извршува обврските и моето привремено отсуство нема да има никакво влијание врз тековните процеси и активности, ниту пак врз безбедноста на граѓаните.

Веднаш по завршувањето на периодот на опоравување, се враќам на редовно извршување на моите обврски во полн капацитет“, објави Тошковски.