55.000 студенти ќе добијат по 15.300 денари за електронски уреди

Премиерот на Македонија, Христијан Мицкоски кажа дека е објавен јавен повик за студенти за да добијат по 15.300 денари.

„Денеска е објавен јавниот повик и ги повикувам сите студенти да аплицираат, мислам дека се 55 илјади на број. Тоа што го ветувавме тоа и го исполнуваме. Мислам дека секој студент добива 15.300 денари за набавка на електронски уред“, кажа Мицкоски.

Мицкоски ги повика студентите да се пријават на јавниот повик кој ќе биде отворен до 1 јануари 2026 година.