Фото: Danela Arsovska
Поранешната градоначалничка на Скопје, Данела Арсовска, повторно ја обвини власта дека го штити раководството на цементарницата „Усје“, која, според неа, со години придонесува за сериозното загадување на главниот град.
Во својата објава на социјалните мрежи, Арсовска потсети дека уште пред три години поднела кривична пријава со приложени докази, но дека до денес не е преземена ниту една конкретна мерка.
„Со сите докази поднесов кривична пријава за ‘Усје’ пред три години. Дали директорот е приведен за постојаното загадување на Скопје – и ако не, зошто?“ – праша таа.
Арсовска додава дека и денес се забележува густ чад над подрачјето на Кисела Вода, алудирајќи дека фабриката продолжува да работи без реална контрола.
Во истата објава, таа остро го критикува и лидерот на ВМРО-ДПМНЕ, Христијан Мицковски, кого го нарече „режимски диктатор“, тврдејќи дека „единствените негови апсења се насочени кон луѓето што го расчистувале градот“.
