Важна вест за Македонците кои патуваат во Грција – нов систем на граница, нема веќе бегање од казните!

Грчкото Министерство за дигитална управа најави воведување на нов, целосно автоматизиран систем за контрола на сообраќајните прекршоци, кој ќе спречува заминување од земјата без платени казни.

Системот ќе ја поврзе сообраќајната полиција со царинските служби, така што при пристигнување на граничниот премин, веднаш ќе се прикажуваат сите неплатени казни што ги има возачот. Без разлика дали прекршокот бил регистриран од полициска патрола или од новите сообраќајни камери, податоците ќе бидат моментално внесени во системот.

На пример, доколку камера ве сними во Солун, прекршокот веднаш се евидентира и веќе ќе ве чека на граничниот премин пред воопшто да пристигнете таму. Мерката функционира автоматски и го блокира излезот од земјата сè додека не се плати долгот.

Овој потег доаѓа како реакција на ниската наплата на казните – од вкупни 100 до 110 милиони евра годишно, државата успева да наплати само околу 40 милиони.