(ВИДЕО) Турчин удрил во контејнери и автомобил, па тргнал да бега, но го фатиле

Турски државјанин предизвикал тешка сообраќајка во Скопје, откако со возило удрил во контејнери, а потоа и во друго возило „алфа“.

„Вчера во 22:50 часот во СВР Скопје е пријавено дека на сервисна улица од ул.„Матеја Матевски“ во Скопје патничко возило „бмв 5“ со скопски регистарски ознаки, управувано од М.А.А.(22) од Р.Турција, а со привремен престој во Скопје, удрило во контејнери и патничко возило „алфа ромео“ со демиркаписки регистарски ознаки. М.А.А. го напуштил местото на настанот, но по преземени мерки од полициски службеници, тој набрзо бил фатен“, соопшти МВР.