(ВИДЕО) Цеца откри што ѝ кажал Мики откако го развеала бугарското знаме во Велес

Српската пејачка Светлана Цеца Ражњатовиќ ја налути македонската публика откако развеа бугарско знаме на настапот во Велес.

Цеца во интервју за српски „Телеграф“ се извини за инцидентот и кажа дека не била свесна за односите меѓу Македонија и Бугарија, а воедно откри што ѝ кажал Мики Секуловски на сцената откако почнале негодувањата на публиката.

„Фан ми го дофрли знамето. Како и секаде во дијаспората, фановите ми даваат различни знамиња и за мене чест е да ги веам. Го прегрнав знамето и слушнав свирежи. Не знаев за што станува збор, но тоа досега никаде не ми се случило. Набрзо ми пријде Мики Секуловски и ми вели ‘знамето, знамето’. Јас го прашав што е со знамето, а тој ми кажа брзо да го тргнам. Тоа беа секунди, а јас го прашав што се случило. Тој ми вели дека знамето е бугарско. Јас му одговорив ‘Добро, и?’, а тој ми повтори да го тргнам знамето. Го отстранив, иако не знаев што се случи. Мене ми е жал ако на некого му ги повредив чувствата. Тоа не ми беше намера“, вели Цеца.

Видеото може да го погледнете ТУКА.