Трагедија го потресе Нови Сад кога на железничката станица се урна настрешница, при што животот го загубија 14 лица. Несреќата предизвика шок и тага меѓу локалното население, а властите веднаш започнаа со истрага за причините што довеле до оваа катастрофа.
Актерот Драган Маринковиќ Маца објави порака на социјалните мрежи по големата трагедија која се случи на 1 ноември во Нови Сад.
„Една баба сè уште ја чека внуката на станицата. Еден татко цел ден е на Ургентен, не знае каде е син му. Едно девојче од 14 години повеќе нема рака, едно момче нема нога. И така до 30. Еден дедо со своите внуки тргна на слава, а сега лежат заедно во мртовечница. Со нив е и шестгодишно девојче кое мајката го остави на клупата за да купи билети. И така до 14. Немојте ве молам за неколку дена засекогаш да го заборавите Нови Сад…“, напиша актерот.
