Фото: Принтскрин
Две лица загинаа во сообраќајна незгода на патот Прилеп – Росоман во близина на селото Радобил, објави Министерството за внатрешни работи (МВР), а доктор Ненад Лазаров на неговиот профил на социјалните мрежи откри дека случајно се нашол на местото на несреќата.
Докторот објави дека никогаш во животот немал видено такво нешто, а воедно апелираше до возачите да бидат внимателни додека управуваат со моторните возила.
„Некои хорори е добро што е невозможно да се прераскажат.
Пред 2 часа како случајни минувачи на патот помагавме на тешка сообраќајка после Плетвар кон Кавадарци, 2ца загинати и 5 души тешко повредени, најстариот околу 40 години.
Ве молам и апелирам да возите нормално и внимателно, јас сум лекар 15 години вакво нешто немам видено до сега.
Не сакам ни да видам, шокантно беше и вечерва да се молиме сите останатите 4ца сите млади да ги преживеат повредите. Сеа ми треба ракија“, објави д-р Лазаров.
