(ФОТО) „Цеца треба засекогаш да се прости од македонската публика – ова беше плукање врз цел народ“

Васко Белески објави статус на Фејсбук со реакција за инцидентот кој го предизвика Светлана Цеца Ражњатовиќ со бугарското знаме во салата „Гемиџии“ во Велес.

„СРАМ И ПРОВОКАЦИЈА НА Ражњатовиќ на КОНЦЕРТ ВО МАКЕДОНИЈА!

Српската пејачка Цеца Ражнатовиќ вчера во Велес, пред македонска публика, го развеа бугарското знаме.

Да бидеме искрени – ова не е само непристојност, ова е плукање врз цел еден народ.

Не зборуваме за едно знаме, туку за симбол, за чест, за идентитет.

Во земја што со години ја навредуваат и понижуваат токму од Бугарија, ваквиот потег е чиста провокација и тежок удар по секој Македонец што ја сака својата земја.

Очигледно е дека некој можеби ѝ го подметнал тоа знаме – но тоа никако не ја оправдува нејзината реакција!

Еден професионалец мора да се контролира и да внимава што и како прави.

А за воља на вистината, тое е невозможно кога си под дејство на наркотици –

инаку како би можела да не забележи какво знаме ѝ дава некој и со гордост да го вее пред македонска публика?

Ражнатовиќ треба засекогаш да се прости од македонската публика.

Можеби само така Македонија некогаш ќе може да ѝ прости.

Ова не е гаф – ова е срам, навреда и потценување на нашиот народ“, пишува Белески.