Голема трагедија ја потресе Србија, кога во Нови Сад се урна настрешница на железничката станица, при што животот го загубија 14 лица.
Меѓу загинатите во оваа ужасна несреќа се и фудбалер и неговата девојка, а веста ја потврди неговиот клуб.
Фудбалерот Милош Милосављевиќ го загуби животот во трагедијата, заедно со својата девојка Анѓела Руман.
„Со голема тага и неизмерна болка ја известуваме јавноста дека во страшна несреќа во Нови Сад го загуби животот нашиот соиграч, пријател и брат Милош Милосављевиќ Киви (роден 2003 година), заедно со неговата девојка Анѓела Руман (родена 2004 година)“, соопшти неговиот клуб.
