Фото: Принтскрин
Тешка сообраќајна несреќа се случи ноќеска во Скопје, околу 01:00 часот, на крстосницата меѓу улиците „Васко Карангелевски“ и „1615“. Според информациите од Министерството за внатрешни работи, во несреќата учествувале „Цитроен Ц3“ со скопски таблички, управуван од 27-годишната Р.М. од Скопје, и „Фолксваген Голф“, исто така со скопски регистарски ознаки, управуван од 27-годишниот К.К. од Турција, кој привремено престојува во Македонија.
Во сударот тешко бил повреден 22-годишниот Б.О. од Турција, кој бил сопатник во „Голфот“. Лесни телесни повреди се здобиле уште еден сопатник во истиот автомобил, А.О. (22) од Турција, како и возачката на „Цитроенот“ Р.М.
Повредените биле пренесени на лекарска интервенција во Градската општа болница „Св. Наум Охридски“ и во Комплексот клиники „Мајка Тереза“ во Скопје.
Според неофицијални информации, кои ги објави „24часа“, по несреќата Турчинот се обидел да избега, но бил запрен од случајни минувачи.
