Фото: Принтскрин
Луна Џогани некогаш била во блиски односи со Анастасија Ражнатовиќ, ќерката на познатата пејачка Светлана Цеца Ражнатовиќ, во чиј дом поминала дел од своето детство.
Во неодамнешно интервју Луна откри дека чувствувала голема болка поради, како што рече, „предавството“ од Цеца – жена која ја гледала како втора мајка. Сепак, таа нагласи дека нема намера да зборува лошо за неа.
По нејзиниот влез во реалното шоу и врската со оженет маж, семејството Ражнатовиќ се обидело јавно да се дистанцира од неа, а, според зборовите на инфлуенсерката, Цеца дури и „јавно ѝ го забила ножот во грб“.
„Никогаш досега не сум зборувала за тоа. Не можам да кажам дека ме разочара, но навистина ме повреди. Свесна сум дека ситуацијата во „Задруга“ не беше лесна, ниту очекував некој да ме поддржи. Но, гледам од моја перспектива – ако не поддржувам, тогаш барем нема да направам нешто што ќе ја понижи или повреди личноста што била дел од мојот живот“, изјави Луна.
Таа додаде дека најмногу ја заболело тоа што Цеца, која ја сметала за блиска како мајка, застанала на другата страна токму кога таа минувала низ тежок период и јавен линч.
„Во моите очи таа беше голема личност, како мајка. А потоа, кога ми беше најтешко, таа ѝ испрати фустан на другата страна. Замислете како ми беше… тоа не може да не те заболи. Единствено од почит кон Анастасија нема да кажам ништо лошо за нејзиното семејство. Таа не се огласи јавно, но барем не ме издаде“, заклучи Ѓогани.
