Фото: Принтскрин
Во Подгорица, Црна Гора, синоќа била спроведена голема полициска акција во која биле приведени 45 странски државјани – од Турција и Азербејџан.
Акцијата следела по сериозен инцидент во населбата Забјело, по што осум лица биле протерани од земјата, а седуммина добиле прекршочни казни поради прекршување на Законот за странци.
Според полициските информации, група турски државјани во доцните часови по полноќ физички нападнала жители на Подгорица. Во нападот е тешко повреден еден млад човек кој добил седум убодни рани со нож.
Поради овој насилен инцидент, уапсени се двајца осомничени – 31-годишниот И.Г. од Азербејџан и 54-годишниот Н.Д. од Турција.
