Фото: Ali Ahmeti/Facebook
Али Ахмети, лидер на Демократската унија за интеграција (ДУИ) и на коалицијата Национална алијанса за интеграција (НАИ), денеска истакна дека неговото повлекување од политиката е непотребно, нагласувајќи дека изборниот резултат го покажува како победник од првиот круг.
Во своето обраќање, Ахмети ја критикуваше коалицијата ВЛЕН, нарекувајќи ја „Здружение Газиместан“, посочувајќи дека губитниците честопати тврдат дека се победници.
„НАИ оствари 114.760 гласови и доби 159 советнички мандати. ВЛЕН освои 91.849 гласа и 122 мандати. Сепак, секој ден тврдат дека победиле – не само на овие, туку и на претходните избори, иако реалноста е поинаква“, истакна Ахмети. Тој повтори дека НАИ останува на ставот за одржување предвремени парламентарни избори.
„Нашата посветеност е кон европска Македонија, добри меѓуетнички односи и решавање на проблемите со соседите. Работиме за подобра иднина за идните генерации“, додаде Ахмети.
