Данела Арсовска денеска се огласи на својот профил на Фејсбук со порака до премиерот, алудирајќи на протечени безбедносни снимки од Владата.
„Премиере, не ви функционира Владата – кажи му на Луке дека снимки од безбедносните камери на Влада ви се објавуваат во јавност ултра брзо. Одма знаат сите кои луѓе и медиуми јадат сендвичи од штаб и се платени од вас“, напиша Арсовска, додавајќи саркастично: „Кога пред мене стигнавте да објавите? 😂“
Во објавата спомена и дека наводно денеска била најавена „организирана акција“ на МВР, Финансиската полиција и Обвинителството во општина Чаир и во домот на градоначалникот Висар Вики Ганиу, поврзана со, како што тврди, „криминали вредни над 225 милиони евра со перење пари и легализирање“.
Арсовска додаде дека отишла до Владата, МВР и Финансиската полиција за да види дали навистина се спроведува акцијата, но дека наишла на празни канцеларии:
„Излезе дека сите отишле на состанок во партија – не било за Чаир.“
Со оваа објава, Данела повторно ја насочи јавноста кон прашањето за транспарентноста и одговорноста во институциите, но и кон можни политички тензии меѓу Владата и опозицијата.
